American Express

XƏBƏRLƏR

01.05.2008
AMERİCAN EXPRESS və Azərbaycan Beynəlxalq Bankı Azərbaycanda ilk dəfə AMERİCAN EXPRESS KARTLARININ buraxılmasını elan etdilər

Yeni kartlar yerli istehlakçılara qabaqcıl imtiyaz və güzəştlər təklif edirlər

BAKI 1 may 2008 - American Express'in Azərbaycanda partnyoru kimi, Azərbaycan Beynəlxalq Bankı Azərbaycan bazarında American Express® Kartının və American Express® Gold kartının manatla xüsusi buraxılışını və reklamını elan etmişdir.

Yeni kartlar yalnız maliyyə ehtiyaclarını deyil, həm də həyat tərzini əks etdirən kart məhsulunda maraqlı olan Azərbaycan istehlakçılarının geniş çeşidinin ehtiyacları nəzərə alınaraq hazırlanmışdır. Bu gün buraxılan American Express Kartları yüksək səviyyədə maliyyə çevikliyini, nadir həyat tərzi xüsusiyyətlərini və imtiyazları təmin edir.

American Express dünyanın ən yüksək keyfiyyətli maliyyə xidməti markasıdır. 155 ildən artıq müddət ərzində o, müştərilərə yüksək keyfiyyətli xidmət, qabaqcıl məhsul və imtiyazlar təqdim etmişdir. Biz, American Express ilə birlikdə, bu American Express Kartlarını Azərbaycan istehlakçılarına təklif etməkdən məmnunuq. Kartlar təzələnə bilən kreditə çıxışı təmin edir və ölkə daxilində və xaricdə mühafizə, habelə yüksək keyfiyyətli təəssüratlara çıxış təklif edən ən son səfər və bazarlıq (alış-veriş) yoldaşıdır.

"Azərbaycan Beynəlxalq Bankı yüksək keyfittətli müştəri xidməti və müştərilərə keyfiyyətli məhsulların təqdim olunması ilə əlaqədar bizim öhdəliklərimizi bölüşür və biz American Express'in fəaliyyətinin Azərbaycanda artırılması üçün onlarla birgə işləməyə ümid edirik", American Express'in Vitse Prezidenti Tristan Kirşner qeyd etdi. "Bu qabaqcıl məhsullar həm Azərbaycanda, həm də bütün dünyada yerli istehlakçıların pul xərcləmə və həyat tərzi ehtiyaclarının təmin edilməsinə kömək edəcək".

Bu American Express kartları Azərbaycan bazarında əvvəllər heç zaman görünməmiş bir sıra yeni imtiyaz və xidmətlər, habelə American Express-in bütün dünyada marka və məhsullarının ayrılmaz hissəsi olan əsas güzəşt və xidmətləri təmin edir.

Dünya səviyyəli Müştəri Xidməti - American Express Kart üzvləri Azərbaycanda və dünyanın istənilən yerində 24 saat ərzində müştəri xidmətini təmin edən xüsusi peşəkarlar komandasına malik olacaq. Kart üzvləri, 24 saat Azərbaycanda və 48 saat dünyanın istənilən yerində səyahətin təşkilindən ödənişsiz və təcili qaydada kartın dəyişdirilməsinədək hər şeydə yardım edən 2200 American Express Səyahət Xidməti bürolarında həmişə özlərini öz evlərindəki kimi hiss edəcəklər.
Maliyyə çevikliyi. American Express kartları Kart üzvünün maliyyə vəziyyəti, onun kredit tarixi və ödəmə qabiliyyətinə əsasən müəyyən olunan krediti təmin edir. American Express Kart üzvləri hər ayı tam ödəməklə 45 günədək güzəşt dövründən (Grace period) faydalana, habelə hər ay minimum ödəniş (qaytarılan) məbləği ödəyə bilərlər. Kart üzvü aktivasiyadan dərhal sonra kartı istifadə edə bilər. American Express Kart üzvləri bütün dünyada quraşdırılmış 650.000-dən artıq bankomatdan nağd şəkildə pul çıxara bilrlər.
Həyat tərzi imtiyazları. American Express SELECTS® adlanan proqram vasitəsilə, American Express Kartları dünyanın 40-dan artıq ölkəsində yerləşən minlərlə otellərdə, restoranlarda və pərakəndə satış məntəqələrində Kart üzvlərinə xüsusi təkliflər verir.
Səyahət imtiyazları. Səyahət ofislərinin bütün dünyada yerləşən şəbəkəsinə əlavə olaraq, Kart üzvləri, həmçinin, "American Express Global Assist" vasitəsilə təcili tibbi və hüquqi göndərişlər üçün, habelə xarici ölkələrdə pasport və vizaların əldə edilməsində yardım əldə edə bilərlər.
Bundan əlavə, American Express Gold Kart üzvləri "Gold Travel Service" vasitəsilə qısa və mürəkkəb beynəlxalq marşrutlar üçün səyahət sifarişi xidmətlərindən istifadə edə bilərlər.
Kart üzvünün ölkə daxilində və xaricdə müdafiəsi. Bu American Express Kartları, satın alınmış mallar itirildikdə və ya təsadüfən onlara ziyan dəydikdə 90 gün müddətində sığorta da daxil olmaqla, geniş sığorta imtiyazları paketi ilə təmin edir; Kart üzvləri və onların ailəliləri üçün səyahətlə bağlı qəzadan sığorta, səyahətlə bağlı narahatlığın sığortası, baqajın itirildiyi zaman və ya üçuş gecikdikdə yeni geyim və ya yeməyin alınmasını sığorta edir.

Səyahətlər zamanı, Kart sahibləri tələb olunan hüquqi və tibbi yardım, habelə xaricdə pasport və viza ilə əlaqədar çətin vəziyyətlərdə kömək əldə edəcəklər.

Azərbaycan Beynəlxalq Bankı tərəfindən buraxılan American Express kartları Azərbaycanda geniş çeşidli mağazalarda, restoranlarda və otellərdə, habelə dünyanın milyonlarla ticarət müəssisələrində qəbul olunur. Azərbaycan Beynəlxalq Bankı Azərbaycanda American Express'in qəbul şəbəkəsinin yaradılmasını həyata keçirir.

American Express kartı üçün müraciət etmək üçün, +994 12 598 3101 nömrəsinə zəng edin.